Сўнгги янгиликлар
Янгиликлар
Чортоқ туманида Президентимизнинг 2021 йил 30 июлдаги 5204-сонли қарори асосида секторлар кесимида 56 та маҳаллада “Темир дафтар”га киритилган, боқувчисини йўқотганлик пенсияси ёки нафақасини олувчи 466 та оиланинг 867 нафар 18 ёшгача бўлган фарзанди учун 500 минг сўмдан, жами 433 миллион 500 минг сўм бир марталик моддий ёрдам пули тарқатилди.
Бугун шиддат билан ривожланиб, тараққиётга юз тутаётган мамлакатимизнинг жаҳон майдонидаги обрў-эътибори ва нуфузи қуйи тизим – маҳалладаги ислоҳотларга ҳам кўп жиҳатдан боғлиқ. Мустақиллигимизнинг 30 йиллиги арафасида Чортоқ туманида “Истиқлол”, “Тенгдош” ва “Ифтихор” маҳалла фуқаролар йиғинларининг янги бинолари фойдаланишга топширилди.
Мустақиллигимизнинг 30 йиллик байрами арафасида вилоятимизда кўплаб ижтимоий объектларда қурилиш-таъмирлаш ишлари якунланиб, фойдаланишга топширилмоқда.Ўзбекистон Республикаси Президентининг 2020 йил 18 февралдаги 4602-сонли қарорига асосан ҳар бир маҳаллада тадбиркорлик субъектлари - юридик шахсларни фаол жалб қилиш ҳисобига фуқароларнинг ўзини ўзи бошқариш органи комплексини давлат-хусусий шериклик шартлари асосида қуриш белгиланган.
2021 йилнинг январь-июль ойларида Наманган вилоятида янги ташкил этилган корхона ва ташкилотларнинг сони 3838 тани ташкил этиб, бу кўрсаткич ўтган йилнинг шу даврига нисбатан 18 тага ошганлигини кўриш мумкин.
Ижтимоий тармоқларда “Наманган вилояти Чортоқ тумани шифохонаси тез ёрдам бўлимининг врач ва фельдшерларимиз. Биз 2 ойдан бери ковид беморларига хизмат қиляпмиз. Вазирлар Маҳкамасининг 2020 йил 24 сентябрдаги 583-сон қарорига кўра тез тиббий ёрдам бригадалар ходимларига (врачлар – 2,5 млн, ўрта тиббиёт ходимлари – 1,5 млн, ҳайдовчилар – 1 млн сўм) ойлик моддий рағбатлантириш тўлови тўланиши белгиланган. Аммо бизга белгиланган рағбат пуллари тўланмаяпти. Ҳолбуки, ковид билан оғриганларга кунига 20-30 мартадан чақирувга боряпмиз. Боз устига, “03” чақирувларига ҳам бормоқдамиз. Махсус кийимларни кун бўйи ва эртасига ҳам кийамиз. Махсус форма сўрасак, шуни эскитиб олинглар дейишади. Мутасаддилардан амалий кўмак сўраймиз”, деган чиқиш қилинди.