Сўнгги янгиликлар
Янгиликлар
Чортоқ туманининг Дўстлик маҳалласида ҳар бири 20 хонадондан иборат 12 та намунавий лойиҳадаги кўп қаватли арзон турар-жой қад ростлади. “Қишлоқ қурилиш инвест” МЧЖ ИК буюртмаси асосида қурилган хонадонлар сони 240 та бўлиб, уларнинг 180 таси 2, 60 таси 3 хоналидир. Болалар майдончалари ва бошқа иншоотлар шаҳарчани янада кўркам бўлишини таъминлаган.
Чортоқ тумани Гулшан маҳалласидаги инглиз тилига ихтисослаштирилган 11-мактабда ташкилланган тадбирда туман ҳокими Анваржон Отаходжаев иштирок этиб, давлатимиз раҳбарининг мактаб битирувчиларига табригини ўқиб эшиттирди. Юртимизда таълим соҳасида олиб борилаётган кенг кўламли ва чуқур ислоҳотлар мазмун-моҳияти ҳақида тўхталди.
Чортоқ туманида қишлоқ хўжалиги соҳасида бўлиб ўтган навбатдаги семинар ғалла ўрим-йиғимига тайёргарлик мавзусида бўлди. 125 та фермер хўжалиги томонидан 1870 гектар майдонда буғдой парваришланяпти. Етиштирилган ҳосилни тез ва сифатли йиғиштириб олиш учун 10 та ўрим комбайни ва бошқа зарурий воситалар мавсумга тахт қилинди.
Айни кунларда 61-халқаро гуллар фестивали муносабати билан хорижий ва маҳаллий оммавий ахборот воситалари вакиллари вилоятимизда бўлиб туришибди. 2022 йил 21 май куни республика босма ва интернет нашрларида фаолият олиб бораётган соҳа ходимлари, марказий оммавий ахборот воситларининг Наманган ва Навоий вилоятлари ҳудудий мухбирлари иштирокида Чортоқ туманидаги Султон Увайс Қароний ҳамда Биби Наима она зиёратгоҳларига пресс-тур уюштирилди.
Коррупция – бу жамиятни турли йўллар билан исканжага оладиган даҳшатли иллатдир. Юртимизда бу зарарли иллат келиб чиқиш омиллари ўрганилиб, тизимли равишда профилактик суҳбат, семинарлар ёрдамида кураш олиб борилмоқда. Ҳокимлик ахборот хизматининг навбатдаги матбуот анжумани шу мавзуда бўлди.