Давлатимиз раҳбарининг Олий Мажлисга мурожаатномасини мактабимиз жамоаси билан бирга, катта қизиқиш билан кўрдик. Сермазмун, тарихий нутқ Шавкат Мирзиёвнинг таълимга алоҳида эътибори ва чуқур ҳурматини яна бир марта намоён қилди.
Айниқса, бошланғич синф ўқувчилари учун бепул овқатланишни ташкил қилиниши, ҳозирги шароитда катта жасорат бўлди. Мамлакатимиз кундан кунга гуркираб ривожланаяпти, йўл, энергия, коммуникация, қурилиш соҳаларида қанчадан қанча муҳим ишлар турибди. Аммо, давлат раҳбари таълимдан маблағни аямаяпти. Бу – халқимизни ғоятда севинтирди, халқнинг кайфияти кўтарилди.
Мен бир она, бошланғич таълимда 35 йиллик тажрибага эга бўлган педагог сифатида, мазкур нутқни эшитарканман, мана шундай болажон президентимиз билан ғурурландим. Афсуски, бу йил таълимда ишлашимни охирги санаси. Нафақага чиқаман яқинда. Лекин, мен барибир хурсандман. Бир оддий ўқитувчи сифатида, таълим тизими қандай хор бўлганини кўргандим, мана энди, зўр бўлганини ҳам кўрдим.
Гапирса гап кўп. Мен барча ўқитувчиларни, айниқса, таълимга янги кириб келган ёш педагогларни бу кунлар, эътибор ва ҳурмат-иззатнинг қадрига етишга, чин қалбдан болажонларга дарс беришга даъват этаман. Ахир биз бу кунларни қанча узоқ кутган эдик. Яйраб-яшнаб, маза қилиб ишланглар, миллатимизга хизмат қиладиган буюк фарзандларни тарбияланглар.
Матлуба Тожибоева,Чортоқ туманидаги 34-умумтаълим мактабининг бошланғич синф ўқитувчиси.