Чортоқ туманидаги 46-мактабда таълим-тарбия самарадорлигини янада ошириш, ҳар томонлама ривожланган ва баркамол авлодни тарбиялаш учун зарур шарт-шароитларни яратиш, ёшларнинг маънавиятини юксалтириш, бўш вақтларини мазмунли ташкил этиш бўйича муҳим 5 ташаббус ижросини таъминлашга қаратилган семинар бўлиб ўтди.
Дастлаб, меҳмонлар миллийлигимизни акс эттирувчи турли кўргазмалар намойиши асосида кутиб олинди. Турли психологик ўйинлар иштирокчиларга семинар олдидан юқори кайфият улашди. Ўзгача шукуҳ ва кўтаринкиликда ташкил этилган семинарда Президентимиз томонидан илгари сурилган 5 та муҳим ташаббус бўйича мактаб ўқувчилари томонидан тайёрланган ижодий-бадиий кўргазмалар, саҳна кўринишлари ва спорт чиқишлари намойиш этилди. Семинар якуни бўйича бўлиб ўтган мулоқотда ютуқлар эътироф этилиб, мактаб маъмуриятига ташкилий ишларда кўрсатган жонбозлиги учун миннатдорчилик билдирилиб, эсдалик совғалари билан тақдирланди.