Ижтимоий тармоқларда Чортоқ туман тиббиёт бирлашмасига қарашли кўп тармоқли марказий поликлиника биносининг ер-тўла қисмидаги ҳолат бўйича эълон қилинган видеоматериал юзасидан қуйидагилар маълум қилинади:

Беш юз қатновга мўлжалланган кўп тармоқли марказий поликлиника 1991 йилда қурилган бўлиб, 2014 йилда инвестиция дастури асосида мукаммал таъмирдан чиқарилган.  Жорий йил 520 977 830 сўм ажратилиб, 4 қаватли поликлиниканинг йўлак қисми ва клиник лаборатория бўлими таъмирланмоқда.  Ер тўла қисмида ичимлик ва оқава суви  тармоқлари билан боғлиқ юзага келган носозликлар бартараф этилмоқда.

Бундан ташқари, поликлиникани тўлиқ таъмирдан чиқариш бўйича лойиҳа-смета ҳужжатлари тайёрланмоқда.