Наманган вилояти ҳокимидан хайрли ташаббус: маҳаллалардаги ёшларни спорт билан доимий шуғулланишлари учун ҳар бир шаҳар ва туманга 500 миллион сўмликдан спорт анжомлари етказиб берилди. Бу ёшлар етакчиларининг вилоят
ҳокими билан ўтказилган мулоқотлар чоғидаги ташаббуслари қўллаб-қувватланганининг амалий тасдиғи бўлди. Чортоқ тумани ёшларига ажратилган спорт жиҳозлари ортилган юк машиналар карвонининг дастлабкиси ўз манзилига етиб келди. Маълумот ўрнида қайд этиш керак, жами 7 миллиард сўмлик 23 турдаги 6973 та спорт инвентарларининг барчаси Наманганда ишлаб чиқарилган. Албатта, бу каби эътибор ёшларни жисмоний чиниқтириш, уларнинг спорт соҳасида қобилиятларини намоён қилишлари, жаҳон ареналарига чиқишлари учун зарур шароитлар яратиш, энг асосийси маҳаллаларда соғлом турмуш тарзига эришишга хизмат қилади.