Наманган вилояти ҳокими ўринбосари Динора Якубова хотин-қизларни касб-ҳунарга ўқитиш ва уларнинг жамиятдаги фаоллигини оширишга доир қарор ва фармойишлар ижросини таъминлаш бўйича ҳудудларда амалга оширилаётган амалий ишлар билан танишиш мақсадида Чортоқ туманида жойлашган 1-сонли касб-ҳунар мактабида тумандаги фаол хотин-қизлар билан суҳбатда бўлди.
Суҳбат аввалида юртбошимиз томонларидан хотин-қизларга яратиб берилаётган имкониятлар ҳақида айтиб ўтди.
Тумандаги "Аёллар" ҳамда "Ёшлар" дафтарида рўйхатда турувчи 45 нафар аёл-қизлар шу ерни ўзида касб-ҳунар курсларига йўналтирилди ҳамда ишсиз хотин-қизларни бандлиги таъминлаш бўйича олиб борилган тушунтириш ишларидан кейин ишлаш истагини билдирган аёлларни вилоятдаги "Ideal textile" МЧЖга йўналтирилди.
Оила ва Хотин-қизлар бошқармаси бошлиғи ўқувчилар томонидан тайёрланган кўргазмалар билан танишиш билан бир қаторда, аёлларни келгусидаги режалари ҳақида фикрларини ўрганиб, уларга қонуний тадбиркорлик фаолиятини йўлга қўйиш, ўқиш билан чекланиб қолмасдан, ишсиз, банд бўлмаган бошқа аёл-қизларга бўш иш ўринларини яратиш ва уларга мотивация бериш кераклиги ҳақида ўзининг тавсияларини берди.