Бутун мамлакатимиз бўйлаб “Яшил макон” умуммиллий лойиҳаси амалга оширилмоқда. Мазкур лойиҳа доирасидаги "Яшил йиллик" тадбирлари кенг қулоч ёзмоқда. Бу борадаги ишларни жадаллаштириш мақсадида 25 мартдан 5 майга қадар “Долзарб 40 кунлик” тадбири эълон қилинди. Чортоқ туманида ҳам айни йўналишдаги ишлар фаол тарзда олиб борилиб, ҳашарлар уюштирилмоқда.
Аҳоли ҳамжиҳатликда турли мевали ва манзарали дарахт кўчатларини экиш ишларини ташкил этмоқда. Ушбу жараёнда кекса-ю ёш қатнашаётганини кузатиш мумкин.
“Долзарб 40 кунлик”нинг илк кунларидаги амалий ишлар “Ойқирон миришкорлари” ММТП ҳудудидаги бир неча йиллардан бери фойланиланилмаётган 110 гектар адир ерларда ҳам йўлга қўйилди. Бу ерда тут, терак, павлония, бодом, ёнғоқ, арча ва бошқа дарахт кўчатлари экилиб, парваришланмоқда. Шунингдек, наъматак, смородина, амаранта каби доривор ўсимликлар плантациялари ҳам ташкил этилган. Ҳозиргача экилган кўчатлар сони 300 000 тупдан зиёдни ташкил этади.
Бугун кўтаринкиликда ўтказилган кўчат экиш акциясида вилоят ҳокимининг ўринбосари Саидаҳмад Султанов, туман ҳокими Анваржон Отаходжаев, секторлар раҳбарлари, тегишли вилоят ва туман ташкилотлари раҳбарлари, маҳалла фуқаролар йиғинлари раислари, ҳоким ёрдамчилари, ёшлар етакчилари ва бошқалар иштирок этишди. Ҳашар олдидан жонлиқ сўйилди. Қуръон тиловат қилиниб, эзгу тилаклар билдирилди.
Ўзлаштирилган ерларнинг 9 гектарига сасна, япон сапураси, каталпа, бодом, қора ғайноли, смородина каби мевали ва манзарали дарахт кўчатлари ўтқазилди. Насос ёрамида чиқарилаан сув махсус ховузда тўпланиб, қувурлар орқали тақсимланган ҳолда томчилатиб суғорилади.
Албатта, мазкур тадбирлар юртимизнинг экологик муҳитини янада яхшилаш ҳамда яшиллик оламини ортишига хизмат қилади. Шундай экан, сиз ҳам мамлакатмизни обод қилиш йўлидаги олиб борилаётган “Долзарб 40 кунлик”да фаол иштирок этинг.