Чортоқ тумани Соз-сой маҳалласидаги тантаналар мажмуасида “Заковат” интеллектуал беллашувининг туман босқичи бўлиб ўтди. “Вилоят ҳокими кубоги” учун ўтказилаётган ушбу беллашув туман ҳокимлиги ва ёшлар ишлари агентлиги туман бўлими ҳамкорлигида ташкил этилди.
Мусобақа натижасига кўра:
1-ўрин – “Оқ терак” маҳалла ёшларининг “Лидерлар” жамоаси
2-ўрин – “Соҳибкор” маҳалла ёшларининг “Соҳибкор” жамоаси
3-ўрин – “Бештол” маҳалла ёшларининг “Билимдонлар” жамоасига насиб этди.
Беллашувда туман ҳокими Анваржон Отаходжаев иштирок этиб, ғолиблар ва барча иштирокчи жамоаларни муносиб тақдирлади.
Таъкидлаб жоизки, “Вилоят ҳокими кубоги” беллашувининг финал босқичида “Оқ терак” маҳалла ёшларининг “Лидерлар” жамоаси иштирок этади ва туман шарафини ҳимоя қилади.