Ижтимоий тармоқлар орқали Чортоқ туман йўллардан фойдаланиш унитар корхонаси таъминотчиси А.Убайдуллаев томонидан шу йил 9 сентябрь куни 845 давлат рақамли “МАН” юк автомашиасида олиб келинган асфальт 3 тонна, 20 сентябрь куни келтирилган асфальтдан 2 тонна камлиги, умуман ҳар кунлик юк иш вақтидан кейин олиб келинаётгани ва унда камомад бўлаётгани бўйича чиқиш қилинди. Ушбу ҳолат юзасидан олиб борилган ўрганишга асосан қуйидагилар маълум қилинади:
Чортоқ туман йўллардан фойдаланиш унитар корхонасига Наманган шаҳридаги “Дўстлик” МЧЖ томонидан шартномага асосан асфаль етказиб берилади. Бу корхона тўлик замонавий технология билан жиҳозланган. Асфальтни ишлаб чиқаришдан тортиб, юклаш жараёнигача бўлган барча ишлар техника ёрдамида бажарилади ва юк электрон тарозидан ўтказилади.
Чортоқ туман йўллардан фойдаланиш унитар корхонаси бўлим бошлиқлар ва ишчилари билан суҳбат ўтказилганда асфальт заводдан келтирилаётган юкларда камомад аниқланмаганини маълум қилишди. Юкни кечикиб келишига эса заводда асфаьт олувчиларнинг кўплиги ва навбатга туришлар юзага келаётгани сабаб бўлмоқда. Бироқ, иш вақтидан ташқари меҳнатга жалб қилинган туман йўлсозларига алоҳида табель қилиниб, иш ҳақи тўлаб келинмоқда.